12:39:26 25-06-2011
ლიბიაში ომს აშშ კიდევ ერთი წელი გააგრძელებს
ამერიკის შეერთებული შტატების წარმომადგენელთა პალატამ, იმ რეზოლუციის წინააღმდეგ მისცა ხმა, რომელიც პრეზიდენტ ბარაკ ობამას, ლიბიაში სამხედრო ოპერაციის წარმოების ნებას, შემდეგი ერთი წლის განმავლობაში აძლევს. ამის შესახებ „ბი-ბი-სი“ იუწყება. რეზოლუციის წინააღმდეგ ხმა 295-მა ადამიანმა მისცა.
ანალიტიკოსები მიიჩნევენ, რომ ეს სიმბოლური პროტესტია, რადგან სამშაბათს ქვეყნის სენატმა რეზოლუცია უკვე მიიღო. დოკუმენტის მიხედვით, ლიბიაში ობამას ძალის გამოყენების ნებართვა მიეცა. რეზოლუცია თეთრს სახლს საშუალებას აძლევს, აშშ-ის შეიაარღებულ ძალებს, ქვეყნის ეროვნული ინტერესებისათვის, ნატოს მისიის ფარგლებში, სრული საომარი კარტ-ბლანში მისცეს. დოკუმენტში ისიც არის ნათქვამი, რომ ამერიკულ ძალებს უფლება ეძლევათ სახმელეთო ოპერაციაშიც მიიღონ მონაწილეობა, თუ ამის საჭიროება შეიქმნება.
0