12:03:35 24-06-2011
ჯაზის ლეგენდა, მეტსახელად „ჰემპი“
ლაიონელ ლიო ჰემპტონი 1908 წლის 2 აპრილს დაიბადა. მისი დაბადების ადგილის შესახებ ზუსტი ცნობები არ არსებობს. ვარაუდობენ, რომ მომავალი მუსიკოსის დაბადების ადგილია ან ბირმინგემი, ალაბამაში, ან ლუიზუილი, კენტუკში. ლაიონელი, ძირითადად, ბებიამ გაზარდა და კენოშაში, ვისკონსინის შტატში ცხოვრობდა, სანამ მისი ოჯახი 1916 წელს ჩიკაგოში გადავიდოდა.
ამერიკელი ჯაზის ვიბრაფონისტი, პერკუსიონისტი, ბენდლიდერი და მსახიობი, რედ ნორვოს მსგავსად, ერთ-ერთი პირველი ნამდვილი ჯაზის ვიბრაფონის დამკვრელი იყო.
მეტსახელად „ჰემპი“, ჯაზის ისტორიაში უდიდეს სახელთა შორის მოიხსენიება, თანამშრომლობდა რა განთქმული ჯაზის მუსიკოსების მთელ პლეადასთან: ბენი გუდმანითა და ბადი რიჩით დაწყებული, ჩარლი პარკერითა და ქუინსი ჯოუნზით დამთავრებული. ჯაზის ლეგენდა 2002 წელს გარდაიცვალა.