10:48:29 22-06-2011
ბულგარეთის გაერთიანებული შტაბის უფროსის ვიზიტი
საქართველოში სამდღიანი ოფიციალური ვიზიტით ბულგარეთის გაერთიანებული შტაბის უფროსი გენერალი სიმეონ სიმეონოვი იმყოფება. გენერალი სიმეონოვი ბულგარეთის გაერთიანებული შტაბის დელეგაციის წევრებთან ერთად დღეს საქართველოს შეიარაღებული ძალების გაერთიანებული შტაბის უფროსმა გენერალ-მაიორმა დევი ჭანკოტაძემ მიიღო.
ბულგარელმა და ქართველმა კოლეგებმა შეხვედრაზე საქართველოს თავდაცვის სისტემაში მიმდინარე რეფორმები და თანამშრომლობის პერსპექტივები განიხილეს. მხარეებმა გამოთქვეს სურვილი და მზადყოფნა სამხედრო განათლების სფეროში ერთმანეთს გამოცდილება გაუზიარონ.
გენერალმა სიმეონოვმა დღესვე შეხვედრა გამართა საქართველოს თავდაცვის მინისტრის მოადგილესთან ნოდარ ხარშილაძესთან. შეხვედრის შემდეგ ბულგარეთის გაერთიანებული შტაბის უფროსმა საქართველოს ტერიტორიული მთლიანობისათვის დაღუპული გმირების ხსოვნას პატივი მიაგო და მუხათგვერდის ძმათა სასაფლაოზე მემორიალი გვირგვინით შეამკო. ვიზიტის ფარგლებში სტუმრები მარნეულში გაემგზავრნენ და ესკადრილია დაათვალიერეს.
ხვალ კი გენერალი სიმეონოვი თანმხლებ პირებთან ერთად კრწანისის ეროვნულ სასწავლო ცენტრს და ოკუპაციის მუზეუმს ესტუმრება. ბულგარეთის დელეგაცია საქართველოდან 23 ივნისს გაემგზავრება.
mod.gov.ge
0