23:23:09 25-10-2018
გორში 9 წლის გოგონა მოკლული იპოვეს - "ფეხები მავთულით ჰქონდა შეკრული, თავზე ცელოფნის ტომარა ჩამოფარებული"
9 წლის ბავშვი, რომელსაც გორში ოჯახი დილიდან ეძებდა, მოკლული იპოვეს.
ცხედარი გორის რაიონული სასამართლოს ეზოშია ნაპოვნი. ნანა ბერიაშვილი სახლიდან დღის პირველ ნახევარში, ცეკვაზე წავიდა და ამის შემდეგ მისი კვალი გაქრა.
ბავშვის ცხედარი გორის რაიონული სასამართლოს ეზოში ნახეს.
ადამიანები, რომლებმაც ბავშვი იპოვეს ჰყვებიან, რომ გარდაცვლილს ფეხები რკინის მავთულით ჰქონდა შეკრული, თავზე კი ცელოფნის ტომარა ჰქონდა ჩამოფარებული. ისინი ამბობენ, რომ ბავშვი სწორედ ცელოფნის ტომრით გაგუდეს.
ადგილობრივების განცხადებით, ძებნისას მათ გორის რაიონული სასამართლოს ეზო რამდენჯერმე შეამოწმეს, თუმცა ცხედარი იქ არ ყოფილა. ისინი ეჭვობენ, რომ მოზარდი სხვაგან მოკლეს და შემდეგ ცხედარი სასამართლოს ეზოში დატოვეს.
ადგილზე პოლიცია და სასწრაფო დახმარების ბრიგადები არიან მობილიზებული.