10:45:34 17-06-2011
ასტრუდ ჟილბერტო – ჯაზის ვარსკვლავი
ბრაზილიელი მომღერალი, სამბა და ბოსა-ნოვა მუსიკის უბადლო შემსრულებელი ასტრუდ ჟილბერტო, ბრაზილიელი დედისა და გერმანელი მამის ოჯახში, ბაიას შტატში დაიბადა. გაიზარდა რიო-დე-ჟანეიროში. 1959 წელს დაქორწინდა ჟოაო ჟილბერტოზე და 1963 წელს ერთად აშშ-ში გადადიან, სადაც ის ასრულებს განთქმულ გეტსი/ჟილბერტოს ალბომში, ჟოაო ჟილებრტოს, სტან გეტსა და ანტონიო კარლოს ჟობიმთან ერთად.
ასტრუდს სიმღერა პროფესიულად მანამდე არ შეუსრულებია და ჩაწერაში მონაწილეობა სტან გეტსის დაჟინებული თხოვნით მიიღო. 1960-იან წლებში, წყვილი ერთმანეთს დაშორდა.
ჟილბერტოს ვოკალური შესრულების წარმატებამ სიმღერაში “გოგონა იპანემადან” სწრაფად მოუხვეჭა მას ჯაზის ვარსკვლავის სახელი და მალევე სოლო ჩაწერებიც დაიწყო. თავიდან ბრაზილიური ბოსა-ნოვასა და ამერიკული ჯაზის სტანდარტების თარგმნით იყო დაკავებული, თუმცა შემდგომში, 70-იან წლებში, უკვე საკუთარი კომპოზიციებიც ჩაწერა.
0