10:34:10 16-06-2011
ლიბიელმა მეამბოხეებმა საბრძოლო რობოტი შექმნეს
ლიბიის ქალაქ მისურატში გამაგრებულმა ლიბიელმა ამბოხებულებმა, რომელთა შორისაც ინჟინრებიც არიან, დისტანციური მართვის საბრძოლო რობოტის პროტოტიპი შექმნეს და გამოსცადეს. ამის შესახებ ტელეკომპანია “ალ-ჯაზირა” იუწყება.
სიუჟეტის მიხედვით, აპარატი ვიზუალურად სათამაშო ჯიპს ჰგავს. ზემოთ კი მასზე მცირე ზომის ტყვამფრქვევია მიმაგრებული. რობოტი სპეციალური პულტის მეშვეობით იმართება, რომელსაც ინფორმაციას მანქანაზე განთავსებული ციფრული ვიდეოკამერა აწვდის. ვიდრე ეს მოწყობილობა ბრძოლებში ჩაერთვება, მეამბოხეები მის განვითარებას და გამოცდას განაგრძობენ.
როგორც ირკვევა, მუამარ კადაფის მოწინააღმდეგეები, უფრო ტრადიციული იარაღის სახეობების შექმნასაც გეგმავენ. მათ შორისა ტყვიამფრქვევები, რომელიც საბრძოლო თვითმფრინავებსა და ვერტმფრენებზე განთავსდება. სამოქალაქო ომის დაწყებამდე, მისურატში, ლიბიაში ერთ-ერთი საუკეთესო ტექნოლოგიური ინსტიტუტი იყო განთავსებული.
0