10:40:26 15-06-2011
ტომ კრუზი ჯერ რიჩერის როლში
ტომ კრუზს დეტექტიურ თრილერ “ერთ გასროლაში” მთავარი როლი შესთავაზეს. ამის შესახებ ინფორმაციას პორტალი “დედლაინი” ავრცელებს. ფილმის რეჟისორი კრისტოფერ მაკკუორია, რომელიც კინოსურათის სცენარზეც მუშაობდა.
პორტალის ინფორმაციითვე, ტომი პროექტში მონაწილეობით თავიდანვე დაინტერესდა. მისი საპროდიუსერო კომპანია, ამავე სახელწოდების წიგნის ეკრანიზაციის უფლების მოპოვებას, ხუთი წლის წინაც ცდილობდა. თუმცა, როლის შეთავაზებამ კრუზისთვის, საზოგადოების მითქმა-მოთქმა გამოიწვია.
როგორც ცნობილია, დეტექტივის გმირი ჯეკ რიჩერი თავისი ფიზიკური მონაცემებით გამოირჩევა: იწონის 120 კილოგრამს და თითქმის ორი მეტრია. ტომ კრუზის სიმაღლე კი მხოლოდ 1,7 მეტრს შეადგენს. თუმცა, წიგნის ავტორი აცხადებს, რომ მსახიობის ამ როლზე დამტკიცებას მხოლოდ მიესალმება. გადაღებების დაწყების ზუსტი თარიღი, ჯერჯერობით, უცნობია.
0