11:00:16 14-06-2011
რობერტ ზემეკისი მაიორ მეისონს “გააცოცხლებს”
რობერტს ზემეკისს ფილმის გადაღება შესთავაზეს, სადაც მთავარი გმირი კომპანია “მატელის” მიერ შექმნილი სათამაშო ასტრონავტი, მაიორი მეთ მეისონი იქნება.
სურათის ერთ-ერთი პროდიუსერი, მსახიობი ტომ ჰენკსია, რომელიც თავად აპირებს მთავარი გმირის გახმოვნებას. ფილმის ბიუჯეტი, სავარაუდოდ, 100 მილიონი დოლარი იქნება. კონოსურათს 3დე ფორმატში გადაიღებენ. გადაღებების დაწყების და ფილმის ეკრანებზე გამოსვლის თარიღები, ჯერჯერობით, ცნობილი არ არის.
ამ დროისათვის, ზემეკისი რამდენიმე სხვა პროექტითაა დაკავებული. ივნისის დასაწყისში ცნობილი გახდა, რომ ის ფილმ “გაფრენის” რეჟისორობას დათანხმდა, სადაც მთავარ როლს დენზელ ვაშინგტონი შეასრულებს.
მაიორი მეისონი კი პირველად პუბლიკას 1966 წელს წარუდგინეს. ჩანაფიქრის მიხედვით, მაიორი დედამიწელი იყო, რომელიც მთვარეზე მუშაობდა. მოგვიანებით, მეისონის გუნდის წევრების და უცხოპლანეტელების თოჯინებიც გამოვიდა.
0