არსებული ინფორმაციით, სამართალდამცველებს მომღერალ ირაკლი ნოზაძის დაჭრაში სავარაუდო დამნაშავე - ერთ-ერთი ქალი იდენტიფიცირებული ჰყავთ.
პოლიციამ იმ ავტომანქანის იდენტიფიცირებაც მოახდინა, რომლითაც დანაშაულის ჩადენის შემდეგ, სავარაუდო ბოროტმოქმედებმა შემთხვევის ადგილი დატოვეს. ამ ეტაპზე პოლიცია აღნიშნულ ავტომანქანას ეძებს.
ასევე, პოლიციის განყოფილებაში მიმდინარეობს ფაქტის თვითმხილველების გამოკითხვაც.
შინაგან საქმეთა სამინისტროს ინფორმაციით, მომხდარზე გამოძიება 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს.
შეგახსენებთ, ბოლო ინფორმაციით, ნოზაძის ჯანმრთელობის მდგომარეობა სტაბილურად მძიმეა. მას ცივი იარაღით ჭრილობა გულ-მკერდის არეში აქვს მიყენებული.
0
ავტორი:
