ხორავას ქუჩაზე მომხდარი მკვლელობის საქმეზე ირკვევა, რომ არსებობს ცალკე გამოყოფილი საქმე დადუგენელი პირების მიმართ, რომელსაც ცენტრალური კრიმინალურ პოლიციის დეპარტამენტი იძიებს, - ამის შესახებ ცნობილი გახდა დღეს პარლამენტის საგამოძიებო კომისიის სხდომაზე, რომლის ფარგლებშიც პროკურორსა და შსს-ს წარმომადგენელს კითხავენ.
საგამოძიებო კომისიაზე პროკურორ ზვიად ფხაკაძისა და შსს-ს წარმომადგენლის კახა სირაძის დაკითხვის შედეგად გაირკვა, რომ საქმეში არსებობს კიდევ ერთი დაჭრილი არასრულწლოვანი, რომელიც დაუდგენელია, ვინ დაჭრა, თუმცა საქმეში არსებობს შესაძლო დამჭრელის აღწერილობა მისი სამოსისა და ვარცხნილობის შესახებ.
კომისიაზე დასახებული დაჭრილი პირის ვინაობა ინიციალებით დასახელდა, იგი სავარაუდოდ ერთ-ერთი სასულიერო პირის შვილია.
ხორავას ქუჩის საქმეში სასულიერო პირის შვილის ჩართულობის შესახებ ცნობები მანამდეც გავრცელდა.„რუსთავი 2-მა“ გამოაქვეყნა ერთ-ერთი ბრალდებულის მიერ სასამართლოსთვის მიცემული ჩვენების ჩანაწერი, რომლის მიხედვითაც ირკვევა, რომ ზაზა სარალიძის მოკლულ შვილს პირველ დეკემბერს ფარდულში გაურკვეველ საგანს ურტყამდა ერთ-ერთი დეკანოზის შვილი. დღევანდელ საგამოძიებო კომისიის სხდომამდე უცნობი იყო, რომ ეს პირიც დაიჭრა ხორავას ქუჩაზე მომხდარი გარჩევის დროს.
0
ავტორი:
