10:50:28 11-06-2011
ირანი თალიბებს იარაღს უგზავნიდა
ირანი, უკანასკნელი წლების განმავლობაში, სხვადასხვა ტერორისტული ორგანიზაციებისათვის იარაღის მიწოდებას რამდენჯერმე შეეცადა. მათ შორის იყო ბალისტიკური რაკეტებიც. ამის შესახებ ინფორმაციას ”იერუსალიმ პოსტი” გაეროს უშიშროების საბჭოს სპეციალისტების მოხსენებაზე დაყრდნობით ავრცელებს.
ამ მონაცემების მიხედვით, ირანი იარაღს და ჭურვებს მოძრაობა “ჰამასს” უგზავნიდა, ხოლო ავღანელ თალიბებს თანამედროვე წარმოების რაკეტებს. იარაღის მიწოდება ხდებოდა როგორც ზღვით, ისე თვითმფრინავების მეშვეობით.
დოკუმენტში აღნიშნულია ისიც, რომ ირანი და ჩრდილოეთ კორეა რეგულარულად ცვლიან ინფორმაციას ტექნოლოგიებისა და რაკეტმშენებლობის საკითხებში. ეს ყველაფერი კი ამწიფებს სიტუაციას საიმისოდ, რომ ირანის მიმართ ახალი საერთაშორისო სანქციების საკითხის განხილვა დაიწყოს.
0