11:34:43 05-06-2018
"მეტროს მემანქანეებმა უნდა გაითვალისწინონ, რომ ეს არის ის ძირითადი ტრანსპორტი, რითიც გადაადგილებიან თბილისელები"
ვიცე-პრემიერმა და ეკონომიკის მინისტრმა დიმიტრი ქუმსიშვილმა მეტროპოლიტენის მემანქანეების გაფიცვასთან დაკავშირებით განაცხადა, რომ თბილისის მერი მაქსიმუმს აკეთებს, რაც შესაძლებელია.
"დარწმუნებული ვარ, რომ კახა კალაძე აკეთებს ყველაფერს, აკეთებს მაქსიმუმს რაც არის შესაძლებელი, თუმცა რა თქმა უნდა, მეტროს მემანქანეებმაც უნდა გაითვალისწინონ, რომ ეს არის ის ძირითადი ტრანსპორტი, რითიც გადაადგილებიან თბილისელები, შესაბამისად შესაძლებლობები, რომელიც ქალაქს გააჩნია უნდა იყოს სწორად გამოყენებული", - განაცხადა ქუმსიშვილმა.
მეტროს გაფიცული მემანქანეები აცხადებენ, რომ დედაქალაქის მთავრობასთან მოლაპარაკებები დღეს გაგრძელდება.
0