11:50:56 05-04-2018
დაზარალებული დიმიტრი ქუმსიშვილს: რატომ ხოცავთ ხალხს?
ეკონომიკის მინისტრის, დიმიტრი ქუმსიშვილის გამოჩენას ტყიბულში, სადაც გამთენიისას შახტში მომხდარ აფეთქებას 6 ადამიანის სიცოცხლე ემსხვერპლა, ხმაური მოჰყვა.
ერთ-ერთი გარდაცვლილის, 28 წლის გიორგი ბოჭორიშვილის და, ეკონომიკის მინისტრს სიტყვიერად დაუპირისპირდა.
"რატომ ხოცავთ ხალხს,"-ამ შეძახილების ფონზე შევიდა ქუმსიშვილი "საქნახშირის" წარმომადგენლებთან შესახვედრად.
გარდაცვლილი მეშახტეების ამოყვანის სამუშაოები ამ დრომდე გრძელდება. უბედური შემთხვევა ტყიბულის შახტში გამთენიის 04:00 საათზე მოხდა.