14:06:11 04-04-2018
„ნინია კაკაბაძის მხარდაჭერა პატრიარქის შეურაცხყოფაა“ - გედევან ფოფხაძემ უმრავლესობა დატოვა
გედევან ფოფხაძემ საპარლამენტო უმრავლესობის დატოვების გადაწყვეტილება დღეს მიიღო. ფოფხაძის განმარტებით, გადაწყვეტილება საზოგადოებრივი მაუწყებლის სამეურვეო საბჭოს წევრად, მმართველი გუნდის წევრების მხრიდან, ნინია კაკაბაძის კანდიდატურის მხარდაჭერას უკავშირდება.
„ნინია კაკაბაძის მხარდაჭერა მართლმადიდებლებისა და პატრიარქის შეურაცხყოფაა. ის, რომ 55 ხმა მიიღო კაკაბაძემ, შესაძლოა, გაყალბებული იყოს, ამიტომ მონაცემები გამოვითხოვე“, - ამბობს გედევან ფოფხაძე.
დეპუტატი ცდილობს დაადგინოს ესწრებოდა თუ არა კანონმდებლები კენჭისყრის პროცესს, რომლებმაც მხარდაჭერა ნინია კაკაბაძეს გამოუცხადეს.
საზოგადოებრივი მაუწყებლის სამეურვეო საბჭოს წევრად ნინია კაკაბაძე პარლამენტმა დღეს დაამტკიცა. კენჭისყრის შედეგების მიხედვით, ნინია კაკაბაძის კანდიდატურას მხარი 55-მა დეპუტატმა დაუჭირა, ხოლო 12 წინააღმდეგ წავიდა.
0