00:36:29 23-03-2018
თოდრიას ქუჩაზე ახალგაზრდა მამაკაცი დაჭრეს (ვიდეო)
რუსთავში, თოდრიას ქუჩაზე ახალგაზრდებს შორის კამათისას 1 ადამიანი დაიჭრა, - ამის შესახებ ინფორმაციას „ინფო რუსთავი“ ავრცელებს.
ცნობილია, რომ ახალგაზრდებს შორის კამათი საცხოვრებელი კორპუსის მიმდებარე ტერიტორიაზე, ავტოფარეხებთან ახლოს მოხდა. ბიჭებს შორის საუბარი ხმამაღალ კამათში გადაიზარდა, რასაც ცეცხლსასროლი იარაღიდან გასროლა მოჰყვა.
შსს-ს ცნობით, მომხდარ ფაქტზე გამოძიება სისხლის სამართლის კოდექსის 118 მუხლით მიმდინარეობს, რაც სხეულის განზრახ ნაკლებად მძიმე დაზიანებას გულისხმობს.
0