15:15:30     22-03-2018
„ნაციონალურმა მოძრაობამ“ ქუთაისელებს პენსიის 400 ლარამდე გაზრდის ინიციატივა გააცნო

„ნაციონალური მოძრაობის“ ახალი ინიციატივა, რომელიც პენსიის 400 ლარით გაზრდას ითვალისწინებს, რომან გოცირიძემ ქუთაისში მცხოვრებ პენსიონერებს გააცნო.
პარტიის წარმომადგენლები საკუთარ ინიციატივას ეტაპობრივად, საქართველოს ყველა რეგიონს გააცნობენ.
„ვისაუბრეთ იმის შესახებ, თუ როგორ მოხდება პენსიის ზრდა 400 ლარამდე, როგორი იქნება მისი ფინანსური უზრუნველყოფა. ასევე შევთავაზეთ ჩვენი ალტერნატიული ხედვა მომავალში საპენსიო სისტემის განვითარებასთან დაკავშირებით. ჩვენ შევეცდებით, რომ თითოეული პენსიონერის სატკივარი გულთან ახლოს მივიტანოთ,“- განაცხადა რომან გოცირიძემ.
გასულ კვირაში, „ნაციონალური მოძრაობის“ ერთერთმა ლიდერმა ნიკა მელიამ განაცხადა, რომ „ნაციონალური მოძრაობის“ ხელისუფლებაში მოსვლის პირველ წელს პენსია 300 ლარი გახდება, ხოლო შემდეგ - 400 ლარი.
0