10:36:51 05-03-2018
სამეგრელოში მიტოვებული შენობიდან მოზარდი გადავარდა
სამეგრელოში, ზუგდიდის რაიონის სოფელ ცაისში, ერთ-ერთი მიტოვებული შენობიდან მოზარდი 7 მეტრის სიმაღლიდან გადავარდა.
სასწრაფო დახმარების მანქანამ ის თავის ქალის ტრავმით ზუგდიდის საავადმყოფოში გადაიყვანა. ექიმის ინფორმაციით, 15 წლის პაციენტის მდგომარეობა სტაბილურია.
ბავშვი დასუფთავების აქციაში მონაწილეობდა. პროცესის დასრულების შემდეგ კი ახალგაზრდები შენობაში ფოტოებს იღებდნენ, სწორედ ამ დროს მოაჯირი, რომელსაც ბავშვი ეყრდნობოდა მოირღვა და მოზარდი გადავარდა.
მომხდარზე მიმდინარეობს გამოძიება.
0