"კვირიკაშვილი უნდა გადადგეს"

ქვეყანაში, სადაც ჟურნალისტებს იტაცებენ, ხოლო  ხელისუფლება თავისუფალ მედიაზე ზეწოლას ახორციელებს და კორუფცია სერიოზულ პრობლემას წარმოადგენს, უნდა დადგეს თუ არა,  განსაკუთრებული უფლებების და ძალაუფლების მქონე პრემიერ-მინისტრის თანამდებობიდან გადაყენების საკითხი? 

ამ თემასთან დაკავშირებით, „პრესა.ჯი“  „ნაციონალური მოძრაობის“ წევრს თინათინ ბოკუჩავას ესაუბრა.

- როგორ ფიქრობთ, ქვეყანაში შექმნილი პოლიტიკური და ეკონომიკური მდგომარეობის გათვალისწინებით, უნდა დატოვოს თუ არა, თანამდებობა პრემიერმა კვირიკაშვილმა?

თინათინ ბოკუჩავა: აუცილებლად უნდა დადგეს პრემიერ-მინისტრის გადაყენების საკითხი, მაგრამ ჩვენ გვაქვს სიტუაცია, სადაც მინისტრი არ არის ანგარიშვალდებული ხალხის ან პარლამენტის მიმართ, როგორც უნდა ხდებოდეს დემოკრატიულ სახელმწიფოში.  

- თუ არა ხალხის, აბა ვის წინაშეა კვირიკაშვილი ანგარიშვალდებული?

- კვირიკაშვილი არის ანგარიშვალდებული ერთი ოლიგარქის მიმართ, იმიტომ რომ,  სწორედ ის  წყვეტს, ვინ იქნება ფორმალურად, ამა თუ იმ თანამდებობაზე.

[I=2]ღარიბაშვილი უკვე სამი საათის მოხსნილი იყო თანამდებობიდან მაშინ, როცა მან  გადაყენების შესახებ შეიტყო, ამიტომ, ფორმალური ანგარიშვალდებულების მექანიზმები მთლიანად მორღვეულია ქვეყანაში.

ვინ უნდა იყოს ციხეში და ვინ არა, ივანიშვილის შვილის ფეისბუქ-სტატუსიდან გამომდინარე წყდება ჩვენს ქვეყანაში.

რომელი თავშესაფრის მაძიებელი ჟურნალისტი დატოვონ თბილისში და რომელი - გაიტაცონ, რომელი მისი პოლიტიკური ოპონენტი დადიოდეს ქუჩაში და შეეძლოს პოლიტიკური საქმიანობის წარმოება და რომელი - არა, რომელი სატელევიზიო არხი ფუნქციონირებდეს და რომელი - არა, რომელს ჰქონდეს საკუთარი არჩეული სარედაქციო პოლიტიკა და რომელი არ უნდა არსებობდეს საერთოდ, ეს ყველაფერი ივანიშვილზეა დამოკიდებული.

- ბოლო დღეებში ცნობილი გახდა ვიცე-პრემიერების სავარაუდო ზეწოლის შესახებ თავისუფალ მედიაზე...

 - გავიგეთ, თუ როგორ ემუქრებოდა  ჯეჯელავა  ტვ პირველის მფლობელს. თურმე, ხელისუფლება ფიქრობს, „ავადმყოფობის რეჟიმში“ დატოვოს ტვ პირველი თუ ახლავე გაანადგუროს ის.

ასეთი ტიპის ოლიგარქიული მმართველობის არაჯანსაღი და არადემოკრატული მოცემულება გვაქვს ჩვენ ამ ქვეყანაში.
0

ავტორი: