11:06:42 06-02-2018
ავსტრიაში ქურდობისთვის საქართველოს ორი მოქალაქე დააკავეს
ავსტრიის ქალაქ პინკაფელდში პოლიციამ ქურდობისთვის საქართველოს ორი მოქალაქე დააკავა, - ამის შესახებ ადგილობრივი მედია იუწყება.
გავრცელებული ინფორმაციით, 25 და 31 წლის საქართველოს მოქალაქეებს გამოძიება ავსტრიის 9 ქალაქში ჩადენილ ქურდობას ედავება.
პოლიციის ინფორმაციით, ერთ-ერთმა დაკავებულმა ვენის, ზემო ავსტრიისა და ქვემო ავსტრიის ფედერალურ მიწებში, სულ მცირე 6 000 ევროს ოდენობის ძვირადღირებული სუნამოები მოიპარა. ქვემო ავსტრიის კრიმინალური პოლიცია 25 წლის მამაკაცს უკვე ეძებდა, ამიტომ აღნიშნული საქმე მას გადაეცა.
დაკავებულები წარდგენილ ბრალს არ აღიარებენ.
0