10:17:10 18-01-2018
ინციდენტი თბილისში - გმირთა მოედანზე, რესტორანში სამი ადამიანი დაჭრეს
თბილისში, გმირთა მოედანზე, ერთ-ერთ რესტორანში გვიან ღამით სამი ადამიანი დაჭრეს.
არსებული ინფორმაციით, დაჭრის ფაქტს წინ უძღოდა ურთიერთშელაპარაკება და ფიზიკური დაპირისპირება.
შსს-ს ცნობით, სამივე მათგანი მსუბუქადაა დაჭრილი. დაჭრილთაგან ერთი საავადმყოფოშია გადაყვანილი. მას მრავლობითი დაზიანებები აღენიშნება. დანარჩენ ორ პირს ჰოსპიტალიზაცია არ დასჭირვებია.
პოლიციის ცნობით, სამართალდამცველებმა მომხდარის გამო ერთი პირი უკვე დააკავეს. მომხდარზე გამოძიება ჯანმრთელობის განზრახ მსუბუქი დაზიანების მუხლით დაიწყო.
0