11:30:17 16-01-2018
ესპანეთში ბინების ძარცვაში ეჭვმიტანილი ქართველები დააკავეს
ესპანეთის ქალაქ ვალიადოლიდში პოლიციამ ბინების ძარცვაში ეჭვმიტანილი სამი ქართველი დააკავა.
1tv-ს ცნობით, 26, 33 და 40 წლის მამაკაცები არიან დაკავებული. ისინი სამართალდამცავებმა დანაშაულის ადგილზე აიყვანეს.
პოლიციაში ამტკიცებენ, რომ კრიმინალური ჯგუფის წევრებმა ვალიადოლიდში სულ მცირე, 9 სახლი გაძარცვეს. მძარცველები ბინებში დილით შედიოდნენ, როდესაც მეპატრონეები სამსახურში იყვნენ. წაღებულია ძვირფასი ნივთები, სამკაული და ფული. დაპატიმრებულები სასამართლოს წინაშე წარდგებიან.
რამდენიმე დღის წინ, საქართველოს მოქალაქეები ქალაქ ალიკანტეშიც დააკავეს. მათ ბრალად ედებათ დანაშაულებრივი ჯგუფის წევრობა და ექვსი სახლის გაძარცვა.
0