11:29:00 29-12-2017
იტალიის პრეზიდენტმა პარლამენტი დაითხოვა
იტალიის პრეზიდენტმა, სერჯო მატარელამ ქვეყნის პარლამენტი დაითხოვა. ამის შესახებ ინფორმაცია პრეზიდენტის კანცელარიამ Facebook-ის ოფიციალურ გვერდზე უკვე გამოაქვეყნა.
პარლამენტის დათხოვნის მიზეზი მისი უფლებამოსილების ვადის ამოწურვა გახდა.
„პარლამენტის დათხოვნა არ გამოიწვევს იტალიის მთავრობის გადადგომას. პარლამენტის დათხოვნას ტექნიკური ხასიათი აქვს“-აღნიშნა ქვეყნის პრეზიდენტმა.
აღსანიშნავია, რომ იტალიის პრეზიდენტმა ასევე მოაწერა ხელი განკარგულებას საპარლამენტო არჩევნების 2018 წლის 4 მარტს ჩატარების თაობაზე.
0