10:41:54 23-05-2011
პედრო ალმოდოვარის ფილმი ინგლისურად
ესპანელი კინორეჟისორი პედრო ალმოდოვარი, პირველად თავისი კარიერის მანძილზე, ფილმს ინგლისურ ენაზე გადაიღებს.
რეჟისორის თქმით, ამ დროისათვის ის იმ სიუჟეტზე მუშაობს, რომელიც ინგლისურენოვანი კინოსურათის სცენარი შეიძლება გახდეს. პედრო ესპანურად წერს, თუმცა უკვე შეუთანხმდა ამერიკელ ავტორს, რომლის გვარი არ ხმაურდება, რომელიც სცენარს ინგლისურად თარგმნის.
პედრო ალმოდოვარს 18 სრულმეტრაჟიანი ფილმი აქვს გადაღებული. ყოველი მათგანი ესპანურ ენაზეა. 1999 წელს გადაღებული ფილმი „ყველაფერი დედაჩემის შესახებ“ „ოსკარით“ დაჯილდოვდა. თავისი გეგმები, ინგლისურენოვანი ფილმის გადაღების შესახებ, ალმოდოვარმა კანის კინოფესტივალზე გაახმოვანა. 0