10:14:59 08-12-2017
რუსთავში ერთი პირი ყაჩაღობის ბრალდებით დააკავეს
შინაგან საქმეთა სამინისტროს თანამშრომლებმა, რუსთავში წარსულში მრავალჯერ ნასამართლევი პირი ყაჩაღობის ბრალდებით დააკავეს.
„გამოძიებამ დაადგინა, რომ არაფხიზელ მდგომარეობაში მყოფი დამნაშავე რუსთავში, ერთ-ერთ სადღეღამისო მაღაზიაში დანით შეიარაღებული შეიჭრა და გამყიდველს ფულს სძალავდა. სამართალდამცველების ოპერატიული რეაგირების შედეგად, თავდამსხმელმა განზრახვა ვერ განახორციელა. პოლიციამ ის შემთხვევის ადგილიდან მიმალვის მცდელობისას დააკავა, დანაშაულის ჩადენის იარაღი - დანა კი ნივთმტკიცებად ამოიღო. ბრალდებული ჩადენილ დანაშაულს აღიარებს“, - ნათქვამია შინაგან საქმეთა სამინისტროს განცხადებაში.
გამოძიება ყაჩაღობის ფაქტზე მიმდინარეობს.
0