10:38:41 01-12-2017
დღეს პარლამენტი საკონსტიტუციო სასამართლოს მოსამართლეს აირჩევს
საკონსტიტუციო სასამართლოს კანდიდატს დღეს პარლამენტარები პლენარულ სხდომაზე უყრიან კენჭს.
მმართველი გუნდის მხრიდან საკონსტიტუციო სასამართლოს მოსამართლედ ევა გოცირიძის კანდიდატურაა წარდგენილი. მას თანამდებობაზე დანიშვნისთვის 76 დეპუტატის მხარდაჭერა სჭირდება.
იუსტიციის უმაღლესი საბჭოს ყოფილ წევრს ევა გოცირიძეს პარლამენტის იურიდიულ საკითხთა კომიტეტის სხდომაზე მიმდინარე კვირას მოუსმინეს.
დეპუტატების მხარდაჭერის შემთხვევაში ევა გოცირიძე ლალი ფაფიაშვილს ჩაანაცვლებს, რომელსაც საკონსტიტუციო სასამართლოს მოსამართლეობის ვადა 28 დეკემბერს ეწურება.
0