10:39:17 27-11-2017
დონალდ ტრამპი: იმაზე მეტი გავაკეთე, ვიდრე რომელიმე სხვა პრეზიდენტმა ათი თვის განმავლობაში
აშშ-ის პრეზიდენტმა დონალდ ტრამპმა აშშ-ის „დემოკრატიული პარტია“ კვლავ გააკრიტიკა. მისი თქმით, მიუხედავად ეკონომიკური წარმატებებისა, „დემოკრატები“ მიზეზებს ეძებენ, რათა გაამართლონ საპრეზიდენტო არჩევნებზე დამარცხება.
„პირველივე დღიდან, როგორც კი პრეზიდენტის მოვალეობის შესრულებას შევუდექი, ერთადერთი რაც გვესმის, არის ის, თუ როგორ ეძებენ არჩევნებზე დამარცხების გამართლებას გაიძვერა „დემოკრატები“. რუსეთი, რუსეთი, რუსეთი. მიუხედავად ამისა, ეკონომიკა ყვავის და იმაზე მეტი გავაკეთე, ვიდრე რომელიმე სხვა პრეზიდენტმა ათი თვის განმავლობაში. კვლავ გავხადოთ ამერიკა დიადი“, - დაწერა აშშ-ს პრეზიდენტმა „ტვიტერის“ პირად გვერდზე.