17:42:35 31-10-2017
იაპონიაში 20 წლის ბიჭს მაცივარში ცხრა გვამი უპოვეს
იაპონელი პოლიციელები ახალგაზრდა ბიჭის ბინაში ჩხრეკას ატარებდნენ, ვინაიდან ის 23 წლის გოგოს გაუჩინარებაში იყო ეჭვმიტანილი, რა დროსაც რამდენიმე საყინულეში გადანაწილებული გვამები იპოვეს.
პოლიციამ გვამები 20 წლის ახალგაზრდა კაცის საცხოვრებელ ბინაში მაშინ იპოვა, როდესაც იქ ჩხრეკას ატარებდა, ვინაიდან ის 23 წლის ტოკიოელი გოგონას გაუჩინარებაში ეჭვმიტანილად მიიჩნეოდა.
სამართალდამცველების ინფორმაციით, ზოგი ცხედარი დანაწევრებული და რამდენიმე საყინულეში იყო გადანაწილებული.
გავრცელებული ინფორმაციით, ეჭვმიტანილი და გაუჩინარებული გოგონა სოციალურ ქსელი „ტვიტერის“ მეშვეობით ურთიერთობდნენ. მათ შორის მიმოწერა მას შედემგ დაიწყო, რაც გოგონას დაუწერია, რომ ეძებდა ვინმე ისეთს, ვინც „მასთან ერთად თავს მოიკლავდა“.
ამ დროისათვის ახალგაზრდა კაცი დაკავებულია და სავარაუდოდ, მალე მკვლელობის მუხლით გასამართლება ელის.
0