თელავში მამაკაცი ცეცხლსასროლი იარაღიდან დაჭრეს
თელავში მამაკაცი ცეცხლსასროლი იარაღიდან გასროლის შედეგად დაჭრეს. თვითმხილველების ინფორმაციით, სროლას წინ სუფრასთან მომხდარი ურთიერთშელაპარაკება უძღოდა.
სასწრაფო სამედიცინო დახმარების ბრიგადამ დაჭრილი თელავის რეფერალურ საავადმყოფოში გადაიყვანა. მამაკაცს ჭრილობა ფეხში აქვს მიყენებული. ექიმების განცხადებით, მის სოცოცხლეს საფრთხე არ ემუქრება.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.
0
ავტორი:
