13:28:26 20-10-2017
"ქართულ ოცნებას" ჰყავს ძალიან ბევრი მხარდამჭერი და გასაკვირი არ უნდა იყოს ბევრი შემომწირველის რაოდენობაც"
"საქართველოში არის აბსოლუტურად გამჭვირვალე წინასაარჩევნო გარემო" -
ამის შესახებ საპარლამენტო ფრაქცია "ქართული ოცნების" თავმჯდომარე მამუკა მდინარაძემ არასამთავრობო სექტორის მიერ ბოლო დღეებში გამოქვეყნებულ კვლევებს წინასაარჩევნოდ არსებულ დარღვევებთან დაკავშირებით განაცხადა.
"არასამთავრობო ორგანიზაციების ბოლოდროინდელ საკმაოდ კრიტიკულ კვლევებს თუ დააკვირდებით, იქ ძალიან ზოგადი მონაცემებია მოტანილი. საქართველოში არის აბსოლუტურად გამჭვირვალე წინასაარჩევნო გარემო, მსგავსი საკითხები რეგულირდება აბსოლუტურად გამჭვირვალედ. „ქართულ ოცნებას“ ჰყავს ძალიან ბევრი მხარდამჭერი და გასაკვირი არ უნდა იყოს ბევრი შემომწირველის რაოდენობაც კი. აქედან გამომდინარე, მე ყველას ვურჩევ, რომ რეალური დასკვნები გააკეთოს მსგავსი თუნდაც განცხადებებიდან და კვლევებიდან“, - განაცხადა მამუკა მდინარაძემ.
0