11:39:09 16-10-2017
სომალის დედაქალაქში დაღუპულთა რიცხვმა 276-ს მიაღწია
სომალის დედაქალაქ მოგადიშოში მომხდარი ტერაქტის შედეგად დაღუპულთა რიცხვმა 276-ს, დაშავებულთა კი 300-ს მიაღწია.
პოლიციის ინფორმაციით, თავდასხმა თვითმკვლელმა ტერორისტმა განახორციელა. ის სატვირთო ავტომობილით ჯერ სხვა ავტომობილებს და მოტოციკლეტებს შეეჯახა, რის შემდეგაც ქალაქის ცენტრში ერთ-ერთ გზაჯვარედინზე შევარდა. იქ მან ასაფეთქებელი მოწყობილობა აამოქმედა, რის შედეგადაც რამდენიმე ახლომდებარე შენობა დაინგრა.
თვითმხილველების ინფორმაციით, თავდასხმა 14 ოქტომბერს ერთ-ერთი სასტუმროს მახლობლად მოხდა, სადაც ხშირად მთავრობის წევრები და ჟურნალისტები ჩერდებიან. ერთ-ერთი ვერსიით, დამნაშავე ზუსტად ამ სასტუმროზე თავდასხმას აპირებდა.
0