10:47:28 17-05-2011
ებრაელმა ჯარისკაცებმა მალაიზიელებს ესროლეს
ებრაელმა სამხედროებმა სროლით გააფრთხილეს მალაიზიური გემი, რომელიც საზღვაო ბლოკადის გვერდის ავლით ღაზას სექტორში შესვლას ცდილობდა. გემზე პროპალესტინური ორიენტაციის აქტივისტები იმყოფებოდნენ და ღაზაში ჰუმანიტარული ტვირთი მიჰქონდათ, თუმცა იძულებული გახდნენ მეზობელი ეგვიპტის წყლებიდან უკან გაბრუნებულიყვნენ.
მგზავრობის ორგანიზატორებმა თავიანთ საიტზე განაცხადეს, რომ მგზავრებიდან და ეკიპაჟის წევრებიდან არავინ დაზარალებულა. მალაიზიური გემი მალდივების დროშით, ეგვიპტის პორტ ელ-არიშიდან ღაზასკენ მიემართებოდა.
ებრაელი სამხედროები დაუკავშირდნენ გემის კაპიტანს, რომელმაც მათი მოთხოვნის შესრულებაზე უარი განაცხადა და ღაზას სანაპიროსკენ სვლა განაგრძო. გამაფრთხილებელი გასროლის შემდეგ გემი იძულებული იყო უკან დაბრუნებულიყო. 0