09:21:03 11-10-2017
გურიაში ავტოსაგზაო შემთხვევის შედეგად 3 ადამიანი დაშავდა
გურიაში ავტოსააგზაო შემთხვევის შედეგად 3 ადამიანი დაშავდა. ბათუმის მიმართულებით მოძრავი ავტომანქანა სოფელ წყალწმინდასთან გზის სავალი ნაწილიდან გადავიდა, ხეს შეეჯახა და ამოტრიალდა.
ავტომანქანა, სავარაუდოდ, ნაწვიმარ გზაზე მოცურდა და მძღოლმა საჭის დამორჩილება ვერ შეძლო.
მანქანაში 3 მგზავრი იმყოფებოდა, რომლებიც სხეულის სხვადასხვა დაზიანებებით ფოთის ცენტრალურ კლინიკურ საავადმყოფოში მოათავსეს. ექიმების ინფორმაციით, ერთი მათგანის მდგომარეობა შედარებით მძიმეა.
შინაგან საქმეთა სამინისტროს ინფორმაციით, მომხდარზე მიმდინარეობს გამოძიება.
0