18:13:12 10-10-2017
შსს-ს განცხადებით, საკრებულოსთან აქციაზე 8 პირია დაკავებული
შსს-ს ცნობით, თბილისის საკრებულოსთან მიმდინარე აქციაზე, ადმინისტრაციული წესით, 8 პირია დაკავებული.
ცოტა ხნის წინ, შსს-მ საკრებულოსთან დაკავშირებით სპეციალური განცხადებაც გაავრცელა.
საკრებულოს შენობასთან ნაციონალური მოძრაობისა და ევროპული საქართველოს აქციები მიმდინარეობს, თუმცა ისინი არ ერთიანდებიან.
29 სექტემბერს, პუშკინის სკვერთან მიწის ნაკვეთსა და თაბორის მთაზე 5 000 კვ.მეტრი ფართობის ტერიტორიისთვის ზონალურ ცვლილებას, საათნახევრიანი დაპირისპირების შემდეგ, თბილისის საკრებულოს უმრავლესობამ მხარი მაინც დაუჭირა. ამ გადაწყვეტილების გამო სხდომაზე დაპირისპირება მოხდა, რომლის დროსაც ნაციონალური მოძრაობის წევრები დააკავეს.
0