16:40:03 02-10-2017
ნაცემი და დაკავებული აქტივისტები - სიტუაცია კვლავ დაძაბულია
თბილისის მერიასთან გამართულ საპროტესტო აქციაზე, პოლიციელებმა და უცნობმა პირებმა ნაციონალური მოძრაობის სიის მესამე ნომერი, ლევან ხაბეიშვილი სცემეს. მას ფიზიკური შეურაცხყოფა მიაყენეს, შემოახიეს ტანსაცმელი და დააკავეს.
[I=2]ხაბეიშვილის გარდა, ნაცემია ათამდე აქტივისტი, მათ შორის ქალებიც. ისინი ყოფილი პრემიერის, ბიძინა ივანიშვილისათვის პუშკინისა და ბოტანიკური ბაღის ნაწილის გადაცემას აპროტესტებდნენ.
"პირდაპირ ვიტყვი. მომიპარეს და ფიზიკურად გამისწორდნენ. წამაქციეს და ისე მირტყამდნენ", - აცხადებს ლევან ხაბეიშვილი.
სიტუაცია ჯერ კიდევ უკიდურესად დაძაბულია. ლიდერები ცდილობდნენ მიუახლოვდნენ მერიის შენობას, თუმცა, მათ ამის საშუალებას არ აძლევენ.
„აქცია დაშალეს ძალის გამოყენებით“, - განაცხადა თბილისის მერობის კანდიდატმა, ზაალ უდუმაშვილმა. მისი თქმით, მიუხედავად ძალადობისა, „ივანიშვილი თბილისზე ვერ იძალადებს და დედაქალაქს ჯიბეში ვერ ჩაიდებს“.
პოლიცია აქტივისტების დაკავებას აგრძელებს...
0