“Fleetwood Mac” ბრუნდება

“გარდიანის” ცნობით, ჯგუფ “Fleetwood Mac” – ის ვოკალისტმა სტივი ნიკსმა განაცხადა, რომ ჯგუფი შემოქმედებით მოღვაწეობას 2012 წელს დაუბრუნდება. შემსრულებლის თქმით, კოლექტივი საკონცერტო ტურში აპირებს გამგზავრებას (ღონისძიების მასშტაბები ნიკსს არ დაუკონკრეტებია). ამასთანავე, სტივი არ გამორიცხავს, რომ ჯგუფმა, შესაძლოა, სტუდიური ალბომი ჩაწეროს.  

ამის პარალელურად, “Fleetwood Mac” – ის ერთერთი მნიშვნელოვანი წევრი, გიტარისტი და ვოკალისტი ლინდსი ბაკინგემი, 2011 წლის შემოდგომაზე, სოლო დისკის, სახელწოდებით “Seeds We Sow” გამოშვებას გეგმავს.

 

ჯგუფი “Fleetwood Mac” 1967 წელს შეიქმნა. კოლექტივის არსებობის მანძილზე მისი შემადგენლობა იცვლებოდა. ნიკსი და ბაკინგემი ჯგუფს 70 – იანი წლების შუა პერიოდში შემოუერთდნენ. ჯგუფი ოფიციალურად არ დაშლილა, მაგრამ დღეისათვის ბოლო ფირფიტა “Say You Will” 2003 წელს გამოუშვა. კოლექტივის უკანასკნელი ტური 2009 წელს შედგა. 

0

ავტორი: