11:21:18 14-05-2011
ვილ ფარელი და მარკ ტვენის პრემია
კომიკოსი ვილ ფარელი მარკ ტვენის პრემიას მიიღებს. ამის შესახებ “ბიბისი ნიუსი” იუწყება. ჯილდოს “ამერიკული იუმორისთვის” ჯონ კენედის სახელობის ხელოვნების ცენტრი მსახიობებს ყოველწლიურად გადასცემს. ფარელის დაჯილდოების ცერემონიალი 2011 წლის 23 ოქტომბერს შედგება.
ვილ ფარელი სხვადასხვა ცნობილ კომედიურ ფილმებშია გადაღებული. ასევე, მას მონაწილეობა ფილმების შექმნაშიც აქვს მიღებული, როგორც პროდიუსერს. ამას გარდა, მსახიობმა მულტფილმების გმირებიც გაახმოვანა.
მარკ ტვენის პრემია 1998 წელს დაწესდა. მისი პირველი ლაურეატი რიჩარდ პრაიორი გახდა. სხვადასხვა წლებში ჯილდო გადაეცათ: ჯორჯ კარლინს, სტივ მარტინს, ბილ კოსბის, ვუპი გოლდბერგს, ბილი კრისტალს და ტინა ფეის.
0