16:35:58 27-09-2017
ინტერპოლმა პალესტინის სახელმწიფო ოფიციალურად აღიარა
ისრაელის დიდი წინააღმდეგობის მიუხედავად ინტერპოლმა ორგანიზაციაში პალესტინის სახელმწიფოს გაწევრიანება დაამტკიცა. ამის შესახებ ინტერპოლის „ტვიტერის“ მიკრობლოგშია ნათქვამი.
„პალესტინის სახელმწიფო და სოლომონის კუნძულები ამიერიდან ინტერპოლის წევრი ქვეყნები არიან“, - ნათქვამია განცხადებაში.
ამ გადაწყვეტილების შემდეგ, ინტერპოლის წევრი ქვეყნების რიცხვი 192-მდე გაიზარდა.
ისრაელში პალესტინის ინტერპოლში გაწევრიანებას ეწინააღმდეგებოდნენ. ისრაელის ხელისუფლების მტკიცებით, ახლა პალესტინაში ებრაელ პოლიტიკოსებზე დაკავების ორდერების გამოწერა შეეძლებათ, ხოლო პალესტინელი ექსტრემისტების ხელში საიდუმლო ინფორმაცია აღმოჩნდება.
0