13:59:53 20-09-2017
რაჭაში, ადგილობრივი მოსახლის ეზოში ტრაილერი შევარდა - დაღუპულია 3 ადამიანი
ამბროლაურის მუნიციპალიტეტის სოფელ ხოტევში მომხდარი შემთხვევის შედეგად, სამი ადამიანი დაიღუპა.
ამბროლაურის მიმართულებით მოძრავი ტრაილერი, რომელსაც ასფალტის სატკეპნი მანქანა გადაჰქონდა, ადგილობრივი მოსახლის ეზოში შევარდა, დაანგრია ავტოფარეხის შენობა და სახლის აივანს დაეჯახა. სახლის მცხოვრებლები შემთხვევის შედეგად არ დაშავებულან.
დაღუპულები ტრაილერში მყოფი პირები არიან.
მომხდარ ფაქტს შსს იძიებს.
0