09:13:46 18-09-2017
ერთობლივი სამხედრო წვრთნები - რისთვის ემზადება აშშ?
მიმდინარე წლის ოქტომბრის დასაწყისში აშშ და სამხრეთ კორეა ერთობლივი სამხედრო წვრთნების ჩატარებას გეგმავენ. მასში ამერიკული ატომური ავიამზიდებიც მიიღებენ მონაწილეობას.
სწავლების მიზანია ჩრდილოეთ კორეის მხრიდან მოსალოდნელი სარაკეტო დარტყმების განეიტრალება.
თეთრი სახლი იუწყება, რომ აშშ-ის ლიდერმა და სამხრეთ კორეის პრეზიდენტმა ჩრდილოეთ კორეის მიერ იაპონიის მიმართულებით მორიგი ბალისტიკური რაკეტის გაშვების შემდეგ, სიტუაცია სატელეფონო საუბრისას განიხილეს და შექმნილ ვითარებაზე ისაუბრეს.
12 სექტემბერს, გაეროს უშიშროების საბჭომ, ჩრდილოეთ კორეის წინააღმდეგ ახალი სანქციების ამოქმედებაზე რეზოლუცია მიიღო. დოკუმენტის მიხედვით, შეზღუდვები ჩრდილოეთ კორეისთვის ნავთობპროდუქტების მიწოდებაზე დაწესდა.
0