11:44:42 13-09-2017
ბათუმში, ავტოსაგზაო შემთხვევის შედეგად რვა ადამიანი დაშავდა, მათ შორის ერთი მოზარდია
ბათუმში, ავტოსაგზაო შემთხვევის შედეგად რვა ადამიანი დაშავდა, მათ შორის ერთი მოზარდია.
შემთხვევა ბათუმი-ხელვაჩაურის ცენტრალურ ავტომაგისტრალთან, ხახულის ქუჩის გადასახვევზე მოხდა. ერთმანეთს სატვირთო ავტომანქანა, ე.წ. ტრაილერი და მიკროავტობუსი შეეჯახა.
დაშავებულები ბათუმის რეფერალურ და რესპუბლიკურ საავადმყოფოებში გადაიყვანეს. ნაწილი სასწრაფო დახმარების ბრიგადამ გადაიყვანა, ნაწილმა კი სამედიცინო დაწესებულებას თავად მიმართა. მოზარდი კი დედათა და ბავშვთა ცენტრში გადაიყვანეს.
შსს-ს ცნობით, მომხდარ ფაქტზე გამოძიება სსკ-ის 276-ე მუხლის პირველი ნაწილით დაიწყო, რაც გულისხმობს ავტოსატრანსპორტო საშუალების მოძრაობის ან ექსპლუატაციის წესის დარღვევას, რამაც გამოიწვია ჯანმრთელობის ნაკლებად მძიმე დაზიანება.
0