11:03:42 12-09-2017
შესაძლოა ევროკავშირმა საქართველოს როუმინგის გადასახადი გაუუქმოს
რადიო "თავისუფლების" ბრიუსელში მყოფი ჟურნალისტი რიკარდ იოზვიაკი, „ტვიტერზე“ წერს, რომ შესაძლოა ევროკავშირის ოფიციალური პირებმა საქართველოსთვის, უკრაინისთვის და მოლდოვასთვის როუმინგის გადასახადის გაუქმების შესახებ გადაწყვეტილება მიიღონ.
ამ საკითხს ოფიციალურად ნოემბერში დაგეგმილ სამიტზე განიხილავენ.
ევროკავშირის ქვეყნებში როუმინგის გადასახადი 15 ივნისს გაუქმდა. ევროკავშირის მოქალაქეებს ორგანიზაციის წევრ სახელმწიფოში მოგზაურობისას სატელეფონო საუბრებში დამატებითი საფასურის გადახდა აღარ უწევთ.