16:30:56 11-09-2017
ჰილარი კლინტონი პრეზიდენტად კენჭს აღარ იყრის
აშშ-ის ყოფილი სახელმწიფო მდივანი ჰილარი კლინტონი პრეზიდენტად კენჭს აღარ იყრის.ამიოს შესახებ მან ტელეკომპანია CBS-თან ინტერვიუში ისაუბრა.
მიუხედავად ამისა, ჰილარი კლინტონი პოლიტიკაში დარჩება.
„რაც შეეხება პრეზიდენტობის კანდიდატად ყოფნას, ყველაფერი დასრულებულია. თუმცა მე არ მივდივარ პოლიტიკიდან, რადგან მჯერა, რომ წყდება ჩვენი ქვეყნის ბედი“, - განაცხადა ჰილარი კლინტონმა.
2016 წლის ნოემბერში საპრეზიდენტო არჩევნებში ჰილარი კლინტონი "რესპუბლიკური პარტიის" კანდიდატთან, დონალდ ტრამპთან დამარცხდა.
CBS-თან ინტერვიუში ჰილარი კლინტონმა ასევე ისაუბრა თავის წიგნზე სახელწოდებით „რა მოხდა“. წიგნში ჰილარი კლინტონი საარჩევნო კამპანიაზე წერს და ტრამპთან დამარცხებაზე პასუხისმგებლობას საკუთარ თავზე იღებს. ის ასევე რუსეთს აშშ-ის წინასაარჩევნო კამპანიაში ჩარევაში ადანაშაულებს.
0