08:52:18 07-09-2017
ზღვაზე 4-5 ბალიან შტორმია მოსალოდნელი, ცალკეულ რაიონებში კი მეწყერულ-ღვარცოფული პროცესები
საქართველოს მდინარეებზე დღეს წყლის დონის მატებაა მოსალოდნელი, ხოლო ცალკეულ რაიონებში შესაძლოა აღინიშნოს მეწყერულ-ღვარცოფული პროცესები, - ამის შესახებ ინფორმაციას გარემოს ეროვნული სააგენტო ავრცელებს.
სინოპტიკოსების ცნობით, 7 სექტემბერს საქართველოს მთელ ტერიტორიაზე მოსალოდნელია ნალექი. დასავლეთ საქართველოს უმეტეს რაიონებში 7 სექტემბერს უხვ ნალექს ელოდებიან, იქროლებს დასავლეთის მიმართულების ძლიერი ქარი, ზოგგან სეტყვა და ჰაერის ტემპერატურის მნიშვნელოვანი კლებაცაა მოსალოდნელი.
ზღვაზე კი შესაძლოა იყოს 4-5-ბალიანი შტორმი.
0