12:42:32 17-08-2017
ჭონქაძის ქუჩაზე მომხდარ მკვლელობაში ბრალდებული დაკავებულია
თბილისის ცენტრში, ჭონქაძის ქუჩაზე მომხდარ მკვლელობაში ბრალდებული დაკავებულია. წინასწარი ინფორმაციით, დაკავებულია 35 წლის მამაკაცი, რომელიც ასევე მთაწმინდაზე ცხოვრობს.
გავრცელებული ინფორმაციით, ბრალდებული და გარდაცვლილი ერთმანეთს წლებია იცნობენ. რაც შეეხება მათ შორის დაპირისპირებას, ერთ-ერთი ვერსიით, სავარაუდო მიზეზი სამარშუტო ტაქსების ბიზნესს უკავშირდება.
ნიაღვრის ქუჩაზე სამართალდამცველები დილიდან იმყოფებოდნენ, სადაც მიმდინარეობდა საგამოძიებო მოქმედებები. ადგილზე ექსპერტ-კრიმინალისტებმა მუშაობა რამდენიმე წუთის წინ დაასრულეს.
შინაგან საქმეთა სამინისტრო ოფიციალურ განცხადებას არ აკეთებს, უწყება არც მკვლელობის მოტივზე საუბრობს.
0