10:37:23 11-08-2017
დედამ ახალშობილი პოლიეთილენის ყუთში მოათავსა და კურიერს ბავშვთა სახლში გაატანა
South Chine MOrning Post-ის ინფორმაციით, ჩინეთში ქალმა რამდენიმე დღის ახალშობილი პოლიეთილენის ყუთში მოათავსა და კურიერს ბავშვთა სახლში გაატანა.
გამოცემის ცნობით, კურიერი მას შემდეგ დაეჭვდა, რაც შეფუთულმა ყუთმა მოძრაობა დაიწყო და მას ბავშვის ტირილის ხმაც მოესმა. კურიერის თქმით, მას ყუთის შიგთავსის შემოწმება დავალების მიღებისთანავე სურდა, თუმცა ქალმა მას მკაცრად მოსთხოვა, რომ ყუთი დანიშნულების ადგილზე მიტანამდე არ გაესხნა.
ახალშობილი გოგო ადგილობრივ საავადმყოფოში გადაიყვანეს. ექიმების განცხადებით, ბავშვის მდგომარეობა სტაბილურია.
0