მალინ აკერმანი “Rock of Ages” - ში

მალინ აკერმანს ადამ შენკმანის ფილმში “Rock of Ages” იღებენ. “დედლაინის” ინფორმაციით, აკერმანი ჟურნალისტის როლს შეასრულებს. სიუჟეტის თანახმად, ის ერთერთ მნიშვნელოვან პერსონაჟთან, როკ-მუსიკოსთან მეგობრობს და მასზე სკანდალური სტატიის დაწერას გეგმავს. მუსიკოსის როლს ტომ კრუზი ასრულებს.

ფილმი “Rock of Ages” იმავე სახელწოდების მუზიკლს ეყრდნობა, რომლის პრემიერაც 2006 წელს, ლოს-ანჟელესში შედგა. დადგმა 80-იანი წლების როკ-ჯგუფების პოპულარული სიმღერების მიხედვით აიგო. სპექტაკლში ჟღერს Bon Jovi - ის, Asia - ს, Twisted Sisters - ს, Poison, Journey - ს, Styx - ს, Foreigner – ის და სხვა შემსრულებლების თუ კოლექტივების კომპოზიციები.

 

უკვე ცნობილია, რომ მუზიკლის კინოვერისიაში, ტომ კრუზთან და მალინ აკერმანთან ერთად, მონაწილეობას მიიღებენ: კეტრინ ზეტა-ჯონსი, ჟულიანა ჰაფი, მერი ჯერ ბლაიჯი, პოლ ჯამატი, ალეკ ბოლდუინი და დიეგო გონსალესი.

0

ავტორი: