15:40:00 28-07-2017
სტამბოლში ძლიერი შტორმისგან 10 ადამიანი დაშავდა
სტამბოლში ძლიერი შტორმის შედეგად 10 ადამიანი დაშავდა.მათგან 2 მძიმე მდგომარეობაშია. წვიმამ და ქარმა ნგრევაც გამოიწვია.
შეფერხებულია აეროპორტების მუშაობა, 15-მა თვითმფრინავმა აეროპორტში დაშვება ვერ შეძლო. შეზღუდულია საავტომობილო მიმოსვლა, დატბორილია მეტროსადგურები. დაიტბორა საცხოვრებელი სახლების პირველი სართულებიც. პორტში ამწე წაიქცა და ნავთობის ავზს დაეცა, რამაც აფეთქება გამოიწვია.
ძლიერმა ქარმა 200-ზე მეტი ხე წააქცია, დაზიანებულია ათობით სახლის სახურავი.
0