10:52:37 04-05-2011
ფილმი ჯონ გოტის შესახებ
გამბინოს მაფიოზური კლანის მეთაურის, ჯონ გოტის შესახებ ფილმის შემქმნელებმა პროექტიდან წასული რეჟისორის, ნიკ კასავეტისის შემცვლელი იპოვეს. როგორც გამოცემა “Variety” იუწყება, ახალ დამდგმელ რეჟისორად “ბანდიტების”, “წვიმის კაცის” და სხვა ფილმების ავტორი, ბარი ლევინსონია დანიშნული.
ცნობილია, რომ კინოსურათში მთავარ როლს ჯონ ტრავოლტა შეასრულებს. ფილმში ასევე მონაწილეობას მიიღებენ: ჯო პეში, ტრავოლტას ქალიშვილი ელა ბლუ და სავარაუდოდ, ლინდსი ლოჰანიც, რომელსაც ჯონ გოტი უმცროსის მეუღლის როლი ერგო. კინოსურათის გადაღებები 2011 წლის ოქტომბერში დაიწყება.
0