23:25:19 05-07-2017
ადიგენში 8 წლის ბავშვი და მისი მამიდა არხში დაიხრჩო
ადიგენის მუნიციპალიტეტში 8 წლის ბავშვი და მისი მამიდა არხში დაიხრჩო.
ადგილობრივები ყვებიან, რომ 8 წლის ბიჭი მეგობრებთან ერთად ბანაობდა, რა დროსაც დინებამ გაიტაცა, მამიდა წყალში მის საშველად გადახტა და ისიც დინებამ წაიღო.
შემთხვევა დღეს მოხდა. სასწრაფო დახმარების სამსახურში შეტყობინება 16:44 საათზე შევიდა.
ადგილობრივების განმარტებით, მცირეწლოვანი ბავშვი სოფელ ხევაშენში ცხოვრობდა და ადიგენში მამიდასთან სტუმრად იმყოფებოდა.
გარდაცვლილები ახალციხის რაიონულ პროზექტურაში არიან გადასვენებული.
0