19:33:31 04-07-2017
შსს-მ ვარკეთილში, ინდოეთის 2 მოქალაქე გარყვნილი ქმედების ბრალდებით დააკავა
შსს-მ ინდოეთის ორი მოქალაქე გარყვნილი ქმედების ბრალდებით დააკავა.
„შსს-ს თბილისის პოლიციის დეპარტამენტის ისანი-სამგორის სამმართველოს პირველი განყოფილების თანამშრომლებმა, ჩატარებული საგამოძიებო ღონისძიებების შედეგად, ინდოეთის რესპუბლიკის ორი მოქალაქე - 1991 წელს დაბადებული ჰ.ს. და 1995 წელს დაბადებული რ.ს. თბილისში დააკავეს.
გამოძიებით დადგინდა, რომ ბრალდებულებმა ვარკეთილში, დროებით საცხოვრებელ ბინაში, არასრულწლოვნის მიმართ გარყვნილი ქმედება განახორციელეს“, - აცხადებენ შსს-ში.
მათი ინფორმაციით, გამოძიება გარყვნილი ქმედების ფაქტზე მიმდინარეობს (საქართველოს სსკ-ს 141-ე მუხლით).
0